ლადო ასათიანის სახელობის ბარდნალის საჯარო სკოლამ წიგნის საჯაროდ კითხვის დღე ლადო ასათიანის სახლ-მუზეუმში აღნიშნა.

„შენ როცა ამ წიგნს ხელში აიღებ“ - ამ სახელწოდების ღონისძიება მხარის გუბერნატორის, არჩილ ჯაფარიძის, მუნიციპალიტეტის მერის, ავთანდილ უგრეხელიძის, მათი სამსახურების ინიციატივითა და მხარდაჭერით ჩატარდა.

„მადლობა მათ, რომ ამ ლიტერატურული ღონისძიების მომზადება-წარმოდგენა ლადო ასათიანის სახელობის ბარდნალის საჯარო სკოლას გვანდეს. და ბოლოს მადლობა ჩვენს არაჩვეულებრივ მოსწავლეებსა და ქართული ენა-ლიტერატურის მასწავლებელ მთვარისა ახვლედიანს, რომლებმაც ლიტერატურული კომპოზიცია რეკორდულად მცირე დროში მოამზადეს და დამსწრე საზოგადოების დიდი მოწონება დაიმსახურეს, რაშიც ლადოს პოეზიისა და წიგნის სიყვარული დაეხმარათ“, - ნათქვამია სკოლის მიერ მოწოდებულ ინფორმაციაში.

იხილეთ ფოტოები