ნინოწმინდის მუნიციპალიტეტის ეშტიის N1 საჯარო სკოლაში „წიგნის ჩუქების დღისადმი“ მიძღვნილი ღონისძიება ჩატარდა. 

სკოლის წარმომადგენლის თქმით, ღონისძიებაში მთელი სკოლა მონაწილეობდა. მოსწავლეებმა წაკითხული წიგნების შესახებ პრეზენტაციები წარმოადგინეს. ღონისძიების ბოლოს კი ერთმანეთი სხვადასხვა ლიტერატურით დაასაჩუქრეს. 

„ღონისძიებაში მონაწილეობდა მთელი სკოლა. მოსწავლეებმა იმღერეს, იცეკვეს, თქვეს ლექსები და წარმოადგინეს პრეზენტაციები მორის ლესმორისა და თავიანთი წაკითხული წიგნების შესახებ. ბოლოს კი ერთმანეთს აჩუქეს წიგნები“,- აღნიშნავს სკოლის წარმომადგენელი.

იხილეთ ფოტოები