ოზურგეთის მუნიციპალიტეტის, გია გოგუაძის სახელობის ბოხვაურის საჯარო სკოლის მოსწავლეებმა, მერი ინწკირველმა და ანანო გოგელიამ, მათ მიერ განხორციელებული პროექტის - „ჩაანაცვლე პოლიეთილენი“ პრეზენტაცია წარმოადგინეს.

მოსწავლეებმა პრეზენტაცია სამოქალაქო განათლების  პროგრამის - „მომავლის თაობა“ ფარგლებში სკოლების შეხვედრაზე გამართეს.

პროექტში  მონაწილე  მოსწავლეებმა ნაჭრის ჩანთები შეკერეს, ჰელაერები დაამზადეს, სავაჭრო ცენტრის ტერიტორიაზე აქცია მოაწყვეს და ისინი მოქალაქეებს საჩუქრად გადასცეს.