წმინდა გაბრიელ ეპისკოპოსის სახელობის წყალტუბოს სასულიერო გიმნაზიის V კლასში ქართულ ენასა და ლიტერატურაში ძალიან საინტერესო და შინაარსიანი გაკვეთილი ჩატარდა.
საგნის მასწავლებელი მაია გურეშიძეა.
გაკვეთილის თემა იყო: „ამბავი როსტევან არაბთა მეფისა“ (შოთა რუსთაველის „ვეფხისტყაოსნის“ მიხედვით).
მოსწავლეებმა საინტერესოდ წარმოაჩინეს მეფე როსტევანისა და თინათინის პორტრეტები, ყურადღება გაამახვილეს მათ პიროვნულ თვისებებზე, ასევე ახსნეს ტროპული მეტყველების სახეები. ერთ-ერთი აქტივობა ითვალისწინებდა ესეს დაწერას: „რასაცა გასცემ შენია, რაც არა დაკარგულია“, რომელსაც ასევე წარმატებით გაართვეს თავი ბავშვებმა.
წმინდა გაბრიელ ეპისკოპოსის სახელობის წყალტუბოს სასულიერო გიმნაზიის წარმომადგენლები წარმატებებს უსურვებენ მაია მასწავლებელსა და მის ყოჩაღ მოსწავლეებს!
იხილეთ ფოტოები
