ოტია იოსელიანის სახელობის წყალტუბოს N1 საჯარო სკოლაში საზოგადოებრივი მეცნიერებების კათედრამ, მშვიდობის კვირეულის ფარგლებში, კიდევ ერთი აქტივობა სახელწოდებით - „ვსაუბრობთ ომზე, გვინდა მშვიდობა“ განახორციელა.
ისტორიის მოყვარულებმა და სამოქალაქო განათლების კლუბ „ერთობის“ წევრებმა, Xა კლასის მოსწავლეებმა: მარიამ აფხაძემ, ლოლიტა კინწურაშვილმა, ფერიდე კინწურაშვილმა, ანი ხურცილავამ, მარიამ ქაშიბაძემ, ანა ბენიძემ, ლიკა ცხაკაიამ მოამზადეს პრეზენტაციები I და II მსოფლიო ომებზე, მათ გამომწვევ მიზეზებსა და შედეგებზე. მოსწავლეებმა ინფორმაციები გააცნეს თანატოლებს.
შეხვედრაზე მონაწილეებმა მოვლენები ერთმანეთთან დააკავშირეს და დასკვნები გამოიტანეს.
კლუბის ლიდერმა - მარიამ აფხაძემ თანამედროვე მსოფლიო პოლიტიკური მოვლენები მიმოიხილა და მსოფლიო პოლიტიკოსებს მოუწოდა, გაიხსენონ ისტორია და არ დაუშვან განმეორება.
შეხვედრას ესწრებოდნენ სკოლის დირექტორი ფაქიზო ფანჩულიძე, ისტორიის მასწავლებელი თამილა თუთბერიძე და კლუბის მეურვე - ისტორიის მასწავლებელი ფიქრია გიორხელიძე.
იხილეთ ფოტოები
