ოტია იოსელიანის სახელობის წყალტუბოს N1 საჯარო სკოლის VIII^ბ კლასში საზოგადოებრივი მეცნიერებების კვირეულის ფარგლებში პროექტი - „ქართული კულტურის ძეგლები მსოფლიო კულტურის საგანძურში“ განხორციელდა.

VIII^ბ კლასის პედაგოგი თამილა თუთბერიძეა.

პროექტის მიზანი იყო, ისტორიულ წყაროებსა და ინტერნეტმასალებზე დაყრდნობით, მოსწავლეებს ქართული კულტურის ძეგლები, არქეოლოგიური გათხრების შედეგად მოპოვებულ უნიკალურ მასალები, ქართული ოქრომჭედლობის ნიმუშები და მათი ისტორიები გაეცნოთ.

სკოლის წარმომადგენლის თქმით, „ეს ხელს შეუწყობს ეროვნული ცნობიერების ამაღლებას მოსწავლეებში“.

ლიზი ჯომიდავამ, გრეტა დვალიშვილმა, ლიზი ლონდარიძემ, მარიამ ვეფხვაძემ და დავით ჩიხლაძემ თავიანთი საპრეზენტაციო თემები(ნუმიზმატიკა, თრიალეთის კულტურა, ვანის ნაქალაქარი, ბექა და ბეშქენ ოპიზარები, ხახულის ხატი, გელათის, ბაგრატის, ალავერდის, მოწამეთისა და მარტვილის ტაძრების ისტორიები) საინტერესოდ წარმოადგინეს.

იხილეთ ფოტოები