მარტვილის მუნიციპალიტეტის ნახუნაოს საჯარო სკოლაში კლუბმა - „ციფრული სამყარო“ ფუნქციონირება დაიწყო. კლუბში V-IX კლასის მოსწავლეები გაერთიანდნენ. კლუბის მიზანი ტექნოლოგიების კუთხით განვითარებაა. აქტივობა „ახალი სკოლის მოდელის“ ფარგლებში ხორციელდება.
კლუბის წევრები არიან: მარიკა ძიძიგური; გიული ფირცხალავა; ლუკა სიგუა; ცოტნე ცანავა; გვანცა ცანავა; რიმა კიტეიშვილი; ქეთი სიგუა; ზაალ კიტეიშვილი; მარიამ ცანავა და მარიამ ზარქუა, რომლებმაც გამოთქვეს სურვილი (მშობლების თანხმობით) ჩართულიყვნენ კლუბის ფუნქციონირებაში.
მონაწილეები გაეცნენ კლუბის წესდებას და სამუშაო გეგმას, რომლელიც 2019-2020 წლის II სემესტრიდან განხორციელდება და დამთავრდება 2020-2021 სასწავლო წლის I სემესტრში.
კლუბის წესდებიდან გამომდინარე, წევრებმა ერთხმად აირჩიეს კლუბის ლიდერი ქეთი სიგუა. შეხვედრები გაიმართება ყოველ სამშაბათს და პარასკევს გაკვეთილების შემდეგ. სამშაბათის შეხვედრებს უძღვება ტექნოლოგიების ექსპერტი ზურაბ გაჩეჩილაძე, ხოლო პარასკევის შეხვედრას განამტკიცებს ისტ-ის უფროსი მასწავლებელი დავით პირტახია.
იხილეთ ფოტოები
