მცხეთის მუნიციპალიტეტის, ნატახტრის საჯარო სკოლაში წიგნის საჯაროდ კითხვის მსოფლიო დღე აღინიშნა.

ღონისძიებას ქართული ენისა და ლიტერატურის მასწავლებელი, მარინე გულაშვილი, ხელმძღვანელობდა.

სკოლას წიგნის გამომცემელთა და გამავრცელებელთა ასოციაციის ორგანიზებით თანამედროვე მწერალი, რუსუდან რუხაძე, სტუმრობდა.

მწერალმა მოსწავლეებს წიგნის კითხვის აუცილებლობა დაუსაბუთა ​და მათ ლიტერატურული ნაწარმოებები წაუკითხა.

„ჩვენი სკოლა სიამოვნებით ჩაერთო საერთაშორისო ღონისძიებაში. უფროსკლასელებმა ისაუბრეს ამ დღის მნიშვნელობასა და იმ შედეგებზე, რომლებიც წიგნის წაკითხვის შემდეგ დადგება. მათ შეარჩიეს ქართველი მწერლების რჩეული ნაწარმოებები და საჯაროდ წაუკითხეს უმცროსკლასელებს. “, - წერს სკოლის წარმომადგენელი.

იხილეთ ფოტოები