მარნეულის მუნიციპალიტეტის წერეთლის საჯარო სკოლის VIII-IX კლასის მოსწავლეებმა, წიგნის საჯაროდ კითხვის მსოფლიო დღესთან დაკავშირებით, ღონისძიების -„ჩვენ ვკითხულობთ წიგნს“ ფარგლებში, საყვარელი მწერლების ნაწარმოებებიდან ამონარიდები წაიკითხეს.

სკოლის წარმომადგენლის თქმით, ღონისძიებამ ძალიან საინტერესოდ ჩაიარა და მასში მოსწავლეები დიდი ინტერესით ჩაერთნენ.

ღონისძიების მომზადებისთვის სკოლის დირექცია ქართული ენისა და ლიტერატურის მასწავლებელს, მაკა მენთეშაშვილს, მადლობას უხდის.

წიგნის კითხვის დღის დასასრულს, მოსწავლეები მარნეულის საჯარო ბიბლიოთეკას ეწვივნენ.

„მადლობა ჩვენს პედაგოგებს, მაკა მენთეშაშვილს და ეთერ კაპანაძეს, ერთგულებისა და საქმის სიყვარულისთვის!“,- ამბობს სკოლის წარმომადგენელი.

იხილეთ ფოტოები