მარელისის საჯარო სკოლაში წიგნის საჯაროდ კითხვის დღე მრავალფეროვანი აქტივობებით აღნიშნეს
06-02-2020
ხარაგაულის მუნიციპალიტეტის სადგურ მარელისის საჯარო სკოლაში წიგნის საჯაროდ კითხვის საერთაშორისო დღე საინტერესო და მრავალფეროვანი აქტივობებით აღინიშნა.
სკოლაში მოეწყო ვიქტორინა კლასებს შორის, მოსწავლეებმა ქართველი კლასიკოსი მწერლების ნაწარმოებები განიხილეს.
„შემოთავაზებულმა ღონისძიებამ ხელი შეუწყო წიგნის პოპულარიზაციას და კიდევ ერთხელ ცხადყო მისი მნიშვნელობა მომავალი თაობის განათლებისთვის“,-აღნიშნა სკოლის წარმომადგენელმა.
წიგნის საჯაროდ კითხვის დღე მსოფლიოში ცნობილი ღონისძიებაა და მას ყოველწლიურად მსოფლიოს 100-ზე მეტ ქვეყანაში აღნიშნავენ,
საქართველოში ეს დღე უკვე მეხუთედ აღინიშნება. ღონისძიება წიგნის პოპულარიზაციას უწყობს ხელს.
იხილეთ ფოტოები
სკოლების სიახლეები
