ხონის N2 საჯარო სკოლაში შიდასასკოლო სპორტული ოლიმპიადა 2020 გრძელდება. ამჯერად, კალათბურთელ კობი ბრაიანტის ხსოვნას სკოლაში კალათბურთის ჩემპიონატი მიუძღვნეს.

„დაიწყო ჩემპიონატი კალათბურთში, რომელიც კობი ბრაიანტის ხსოვნას ეძღვნება... 

პირველ ეტაპზე გაიმართა ორი შეხვედრა, VI^ა და VI^ბ კლასებსა და VII^ა და VII^ბ კლასებს შორის. ფინალში ერთმანეთს შეხვდნენ დაბალ საფეხურზე გამარჯვებული  VI^ბ და VII^ბ კლასის გუნდები.

საბოლოოდ, გაიმარჯვა VII^ბ კლასის გუნდმა, რომელიც დაჯილდოვდა თასით და სიგელით პირველი ადგილის მოპოვებისათვის, ასევე სიგელით დაჯილდოვდა მეორე ადგილზე გასული VI^ბ კლასის გუნდი. საუკეთესო მოთამაშედ დასახელდა და სიგელით დაჯილდოვდა ნიკოლოზ ჩხენკელი, ყველაზე აქტიურ გულშემატკივრად დასახელდა და სიგელით დაჯილდოვდა დავით ძიძიგური. ჩემპიონატი გრძელდება“,- აღნიშნავს სკოლის წარმომადგენელი.

იხილეთ ფოტოები