ილია ჭავჭავაძის სახელობის ახალქალაქის N3 საჯარო სკოლის მესამეკლასელებს ქართულში საინტერესო და მრავალფეროვანი შემაჯამებელი გაკვეთილი ჩაუტარდათ.

სკოლის წარმომადგენლის თქმით, მოსწავლეებმა გაკვეთილის ფარგლებში საქართველოს რეგიონების ტურისტული გზამკვლევი მოამზადეს.

„მესამე კლასმა შეისწავლა თემა „სამშობლო“, რომელიც მოიცავდა საქართველოს რეგიონებს, მის კულტურას, გეოგრაფიას, საინტერესო და მნიშვნელოვან ძეგლებს. ამ თემის ფარგლებში გაიარეს სამშობლოსადმი მიძღვნილი ლექსები, დაამუშავეს თემები. ხოლო შემაჯამებელი გაკვეთილისთვის მოსწავლეებმა მოამზადეს თითოეული რეგიონის ტურისტული გზამკვლევი“,-ამბობს სკოლის წარმომადგენელი.

მისივე თქმით, უშუალოდ გაკვეთილზე მოსწავლეებმა საქართველოს ინტერაქციული რუკა ფაზლების გამოყენებით ააწყვეს. ისინი საკლასო აქტივობებში ხალისით ჩაერთნენ.

მესამე კლასის დამრიგებელი ცისანა შერგილაშვილია.

იხილეთ ფოტოები