ლენტეხის N2 საჯარო სკოლისა და ეკოკლუბ „დეციგის“ ინიციატივით ლენტეხის საზოგადოებრივი ცენტრის წინ საქველმოქმედო გამოფენა-გაყიდვა ჩატარდა.

გამოფენა მოეწყო 24 წლის ლიკა ლიპარტელიანის დასახმარებლად, რომელსაც პოლინეიროპათია დაუდგინდა, მკურნალობა კი დიდ ხარჯებთან არის დაკავშირებული, რისი საშუალებაც ოჯახს ამოეწურა.

გამოფენა-გაყიდვაზე სხვადასხვა სუვენირი, აქსესუარები, წიგნები, ბავშვების მიერ შექმნილი ხელნაკეთი ნივთები და სურათები გაიყიდა.

„იქვე იდგა შემოწირულობის ყუთი, რომელშიც თითოეული გაღებული ლარი და თეთრი ლოცვითა და კურთხევით ჩადიოდა. სულ შემოვიდა 1268 ლარი, რომელიც მთლიანად გადაირიცხა ლიკა ლიპარტელიანის ანგარიშზე. კვლავ შეგიძლიათ ლიკას დახმარების მსურველებს, განახორციელოთ ზარი ნებისმიერი ოპერატორიდან: 0901700483- ზარის ღირებულება 1-ლარია. უფალი შეგეწიოს, ლიკა და გამოგაჯანმრთელოს“, - წერია სკოლის მიერ მოწოდებულ ინფორმაციაში.

იხილეთ ფოტოები