ხელვაჩაურის მუნიციპალიტეტის სალიბაურის N2 საჯარო სკოლაში ნინოობის დღესასწაულს ქართული ენასა და ლიტერატურაში პროექტ-გაკვეთილი მიეძღვნა.
მასწავლებელ ხათუნა ხალვაშის ფასილიტაციით VIII კლასის მოსწავლეებმა დაახარისხეს მოძიებული ინფორმაცია, კონცეპტუალურ მასალაზე დაყრდნობით შექმნეს ლიტერატურული კომპოზიცია და აუდიტორიის წინაშე წარმოადგინეს იგი.
„ღრმა და შინაარსიანი პრეზენტაციების შემდეგ საინტერესო აღმოჩნდა სახელის ისტორია, საგულისხმო სტატისტიკა, მხატვრული კითხვა მუსიკალური გაფორმებით. დიდი ხალისით ჩაერთვნენ მოსწავლეები კონკურსებში: „ამოიცანით ცნობილი ნინო“, „დაასახელეთ ავტორი“, „სწორია თუ არასწორი“ და სხვა.
რეფლექსიის ფაზაში მოსწავლეებმა ჩაატარეს ინტერვიუ, შეაჯამეს გაკვეთილი ჟურნალიტური დღიურის სახით.
დასასრულ, პროექტის ორგანიზატორ მოსწავლეებსა და კონკურსებში გამარჯვებულებს სიგელები გადასცეს ჟიურის წევრებმა: დირექტორის მოადგილემ, მასწავლებლებმა და წარმატებულმა უფროსკლასელებმა.
მადლობა მასწავლებელსა და მოსწავლეებს საინტერესო გაკვეთილისთვის“,-აღნიშნულია დირექციის განცხადებაში.
იხილეთ ფოტოები
