ხელვაჩაურის მუნიციპალიტეტის, დაბა მახინჯაურის საჯარო სკოლაში საგან „მე და საზოგადოების“ საინტერესო და სახალისო აქტივობებით გაჯერებული გაკვეთილი ჩატარდა. 

გაკვეთილის თემა იყო - „ბიუჯეტის შემოსავლები და განაწილება“.

„მათ იციან, რომ ნებისმიერი შრომა ანაზღაურებადია და საჭიროა ბიუჯეტის სწორი განაწილება“, - წერს სკოლის წარმომადგენელი.

მოსწავლეებმა საწარმოს მუშაობა წარმოადგინეს, თავად დაამზადეს „ხრაშუნა დონატები", დაითვალეს ხარჯი და მოგება, ბოლოს კი უგემრიელესი დონატები დააგემოვნეს.

საგნის პედაგოგი მარინე ჩხეიძე გახლავთ.

იხილეთ ფოტოები