წალენჯიხის მუნიციპალიტეტის ობუჯის თემის N1 საჯარო სკოლის სამოქალაქო კლუბის -„ქიაჩი“, მიერ დაწერილმა პროექტმა -„იზრუნე გარემოზე, რომ გარემომ იზრუნოს შენზე“, „ათინათი, მომავლის თაობის“ ფარგლებში გამოცხადებულ მცირე საგრანტო პროექტების კონკურსში გაიმარჯვა.

კონკურსის თემა იყო ეკოლოგური პრობლემების მოგვარება, მოსწავლეთა მიერ ადვოკატირების კამპანიით.

მოპოვებული გრანტით სოფელში, მდინარე სკურდილას ნაპირზე არსებული „შინმოუსვლელთა პარკის" რეაბილიტაცია იგეგმება.

„მადლობა კლუბის წევრებს, განსაკუთრებით კლუბის ლიდერს, თეკლე შონიას და კლუბის ხელმძღვანელს, ქალბატონ ციალა სამუშიას გაწეული მუშაობისთვის. ეს მათი კიდევ ერთი გამარჯვებაა. ვუსურვებთ მათ, ბევრ წარმატებულ პროექტს და ღონისძიებას“,- ამბობს სკოლის წარმომადგენელი.