თბილისის სკოლა-ლიცეუმის - „ცოდნა“ მოსწავლეებმა ხელმოკლე ოჯახის პატარებს ტკბილეული, სათამაშოები და სასკოლო ნივთები გადასცეს.

სკოლის წარმომადგენლის თქმით, საქველმოქმედო აქცია I¹ კლასის დამრიგებლის, ლიკა ლაგვილავას და მოსწავლეთა მშობლების ინიციატივით შედგა.

მისივე თქმით, „სიკეთე გადამდებია“ - ამ სლოგანის ფარგლებში სკოლა-ლიცეუმ „ცოდნას“ დირექციის, მასწავლებლების, მოსწავლეებისა და მშობელთა ჩართულობით ბევრი აქტივობა განხორციელდა.

აღსანიშნავია „ცოდნას“ IV¹  კლასის დამრიგებლის ბედეია ბოლქვაძის და მშობელთა თანადგომა ბერი ანდრიას საქველმოქმედო ფონდთან; 

„ქველმოქმედება უანგარო დახმარებას გულისხმობს, არ შეიძლება ადამიანი მოწყალე, კეთილი, უხვი იყოს და ამავდროულად მზრუნველობა, ერთგულება და სიმამაცე არ ახასიათებდეს. სწორედ, ამ თვისებების განვითარებას ცდილობენ სკოლის მასწავლებლები აღსაზრდელებში“, - აღნიშნავს სკოლის დირექტორი ქალბატონი ნაზი ნადირაძე, რომელიც სკოლის წარმომადგენლის თქმით, თავად არის მაგალითი თითოეული მოსწავლისთვის სიკეთისა და თანადგომის გამოვლენისა.

იხილეთ ფოტოები