სენაკის N1 საჯარო სკოლაში თემაზე - „მასობრივი ინფორმაციის საშუალებები“ პრეზენტაცია ჩატარდა
22-01-2020
სენაკის N1 საჯარო სკოლის IV კლასის მოსწავლეებმა ჩაატარეს პრეზენტაცია თემაზე: „მასობრივი ინფორმაციის საშუალებები“.
პრეზენტაცია საგნის - „მე და საზოგადოება“ ფარგლებში ჩატარდა და მას პედაგოგი ნესტან გოგოხია ხელმძღვანელობდა.
სკოლის წარმომადგენლის ინფორმაციით, მოსწავლეებმა შეძლეს ცხოვრებისეული სიტუაციების დროსთან დაკავშირება და ტერმინების ადეკვატურად გამოყენება. მათ იმსჯელეს, თუ როგორ ხდებოდა ინფორმაციის გავრცელება/გადაცემა ძველად და ახლა, მოსწავლეებმა გამოთქვეს აზრი, რომ ჩვენს ქვეყანაში მედიის როლი განსაზღვრულია კანონით და ყველას აქვს სიტყვის, გამოთქმის, ინფორმაციის მიღების, გადაცემისა და გავრცელების უფლება. მოსწავლეებმა კითხვაზე - რატომ იჯერებენ ადამიანები ადვილად შეუმოწმებელ ინფორმაციას? დისკუსია გამართეს.
იხილეთ ფოტოები
სკოლების სიახლეები
