ახალციხის N6 საჯარო სკოლის ორმა პედაგოგმა მენტორის სტატუსი მიიღო.

„ჩვენს რაიონში სულ 3 მენტორია და აქედან 2 მე-6 სკოლის პედაგოგია. 6 პედაგოგი წამყვანის სტატუსის მოლოდინშია. სკოლის პედაგოგების საკმაოდ დიდი უმრავლესობა უფროსი მასწავლებელია“,-ამბობს სკოლის წარმომადგენელი.

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები 4 კატეგორიად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.