თეთრიწყაროს N1 საჯარო სკოლაში მოსწავლეებმა საახალწლო განწყობა ნაადრევად შექმნეს. მოსწავლეები, პირველიდან მეთორმეტე კლასის ჩათვლით, აქტიურად იყვნენ ჩართულები საახალწლო სამზადისში.

სკოლის წარმომადგენლის ინფორმაციით, განსაკუთრებით აქტიურობდა მოსწავლეთა თვითმმართველობა.

„მშობელთა მხრიდანაც სახალისო ჩართულობა აღინიშნებოდა. ისინი მხარში ედგნენ დამრიგებლებს და ეხმარებოდნენ კლასების სადღესასწაულო მორთვაში. განსაკუთრებულად გაფორმდა სააქტო დარბაზი, სადაც მოსწავლეებმა საახალწლო პროგრამები წარმოადგინეს. 1-4 კლასის მოსწავლეებს თეთრიწყაროს მუნიციპალიტეტმა საახალწლო ნუგბარი გადასცა. ზეიმი მთელი კვირის მანძილზე მიმდინარეობდა“,-აღნიშნავს სკოლის წარმომადგნელი.

იხილეთ ფოტოები