საღანძილის საჯარო სკოლაში საახალწლო ვიქტორინა ჩატარდა
06-01-2020
ხარაგაულის მუნიციპალიტეტის საღანძილის საჯარო სკოლის თვითმმართველობის ინიციატივით საახალწლო ვიქტორინა დაიგეგმა, რომლის ორგანიზება და განხორციელება ეკოკლუბმა „სარსარაკმა“ ითავა.
„მომზადდა სახალისო შემეცნებითი კითხვები ეკოლოგიის, ხელოვნების, ლიტერატურის და სხვა საკითხებზე, ასევე სხვადასხვა სახალისო აქტივობები, რომლებიც ეკოკლუბელებმა საზაფხულო ბანაკებში ყოფნის დროს შეისწავლეს.
ვიქტორინაში მონაწილეობდა სამი გუნდი, რომელიც შედგებოდა VIII-XII კლასის მოსწავლეებისაგან. ვიქტორინა საკმაოდ სახალისო გამოდგა მოწავლებისათვის და შემდგომშიც მოაწყობენ მსგავსი ტიპის კონკურსებს“,-აღნიშნა სკოლის წარმომადგენელმა.
იხილეთ ფოტო
სკოლების სიახლეები
