ქუთაისის N31 საჯარო სკოლაში IV, V, VI, VII კლასების მოსწავლეებმა საშობაო-საახალწლო თემაზე შექმნილი ხელნაკეთი ნივთების საქველმოქმედო გამოფენა-გაყიდვა მოაწყვეს.

მათ ხელოვნების მასწავლებელი, მაკა ჟვანია, ხელმძღვანელობდა.

გამოფენაზე საახალწლო დეკორაციები, ბარათები და კრეატიული ნაძვის ხეები წარმოადგინეს.

„მოსწავლეებმა დიდი რუდუნებით იმუშავეს, რომ დღეს კარგად წარმოჩენილიყვნენ. შემოსული თანხით ახალ წელს ლამაზად მიულოცავენ მიუსაფარ მოხუცებს. ბედნიერი ახალი წელი სრულიად საქართველოს“, - წერია სკოლის წარმომადგენლის მიერ მოწოდებულ ინფორმაციაში.

იხილეთ ფოტოები