ბორჯომის მუნიციპალიტეტის წაღვერის საჯარო სკოლაში მწერალი სოფიო კუბლაშვილი და ავტორი ილია ჭანტურია იმყოფებოდნენ. 

სკოლის წარმომადგენლის თქმით, მწერლებმა- სოფიო კუბლაშვილმა და ილია ჭანტურიამ მოსწავლეებს თავიანთი მოთხრობები წარუდგინეს.

„მე-9 კლასში არაჩვეულებრივი, საინტერესო, გულწრფელი, ჭკვიანი ბავშვების წინაშე მწერალმა სოფიო კუბლაშვილმა მოთხრობა „მონადირე" წარადგინა, ხოლო მწერალმა ილია ჭანტურიამ მოთხრობა „მშვიდად, გაკვეთილი იწყება“. მადლობა ქალბატონ მონიკა ჭანტურიას და სკოლის დირექციას საინტერესო პროექტისთვის. ასევე, მადლობა ქალბატონ ნატო ინგოროყვას. „ათი საუკეთესო მოთხრობა მასწავლებლისთვის“– ამ პროექტმა უნდა იმოგზაუროს უამრავ სკოლაში - ამბობს ერთ-ერთი მოწვეული ავტორი.

მე-9 კლასს  ქართულს პედაგოგი მონიკა ჭანტურია ასწავლის.

იხილეთ ფოტოები