ნინოწმინდის მუნიციპალიტეტის, გორელოვკის N3 საჯარო სკოლაში შიდასასკოლო კონფერენცია - „გზა წარმატებისკენ“ ჩატარდა.

მოსწავლეებმა ცნობილი მოღვაწეების შესახებ, რომლებმაც მრავალი დაბრკოლების მიუხედავად, წარმატებას მაინც მიაღწიეს, პრეზენტაციები წარმოადგინეს.

მოსწავლეები გამოეხმაურნენ ბოლო პერიოდის ტრაგიკულ მოვლენებსაც: მათ თანატოლებს მიმართეს და მოუწოდეს, იცხოვრონ ოცნებების ასასრულებლად. 

მოსწავლეთა ნამუშევრები ჟიურიმ შეაფასა და გამოავლინა  სამი რჩეული,  რომელთაც დიპლომები გადაეცათ. ყველა სხვა მონაწილეს კი სიგელები გადასცეს.

ღონისძიების ორგანიზატორები, დალი მეზვრიშვილი და თეონა ჯუღელი, კოლეგებსა და მოსწავლეებს მხარდაჭერისა და აქტიური ჩართულობისათვის მადლობას უხდიან.

იხილეთ ფოტოები