თელავის N5 საჯარო სკოლის მოსწავლეებმა მსროლელთა შეჯიბრში საქართველოს თასზე წარმატებას მიაღწიეს და ოქროსა და ბრინჯაოს თასები დაიმსახურეს.

„გოგონებში ოქრო და ბრინჯაო ტყუპმა დებმა ფროდიაშვილებმა მოიპოვეს. თანაც, მარიამ ფროდიაშვილი ერთადერთი აღმოჩნდა, ვინც 98 ქულა დააგროვა.

თელავის N5 საჯარო სკოლის დირექცია ულოცავს მე-10 კლასის მოსწავლეებს მარიამ ფროდიაშვილს ოქროს და სალომე ფროდიაშვილს ბრინჯაოს თასის მოპოვებას“,-ნათქვამია სკოლის განცხადებაში.

შეჯიბრში 2004-2008 წლებში დაბადებული სპორტსმენები მონაწილეობდნენ.

იხილეთ ფოტოები