თბილისის N119 საჯარო სკოლის გუნდმა ინტელექტუალურ შეჯიბრში პირველი ადგილი მოიპოვა
19-12-2019
თბილისის N119 საჯარო სკოლის მოსწავლეებმა ინტელექტუალურ თამაშში, რაიონის მასშტაბით, პირველი ადგილი მოიპოვეს.
გლდანში არსებული საჯარო და კერძო სკოლების მოსწავლეებისთვის, რაიონის გამგეობის ორგანიზებით, „გლდანის პროფესიული მომზადების ცენტრში“ ინტელექტუალური თამაში - „რა? სად? როდის?“ გაიმართა.
ჩემპიონატში გლდანის რაიონის 20 სკოლა ჩაერთო.
ინტელექტუალურ თამაშში პირველი ადგილი N119 სკოლის გუნდმა მოიპოვა; მეორე ადგილის მფლობელი N71 სკოლა გახდა, ხოლო მესამე ადგილი N174 სკოლამ დაიკავა.
ღონისძიება ახალგაზრდებში განათლების მიღების მოტივაციის ამაღლებასა და მათ წახალისებას ისახავდა მიზნად.
ინტელექტუალურ თამაშში - „რა? სად? როდის?“ გამარჯვებულ გუნდებს საჩუქრად წიგნები გადაეცათ.
იხილეთ ფოტოები
სკოლების სიახლეები
