მამუკა სამაკაშვილის სახელობის წყალტუბოს N2 საჯარო სკოლის გუნდი წყალტუბოს მუნიციპალიტეტის მასშტაბით მინი-ფეხბურთში ჩატარებული საფეხბურთო ჩემპიონატის გამარჯვებულია.

მათ იმერეთის ჩემპიონატში მონაწილეობისათვის საგზური მოიპოვეს.

გუნდმა ტურნირი შთამბეჭდავად ჩაატარა და მთელი ჩემპიონატის მანძილზე დომინირებდა. საფეხბურთო ჩემპიონატი წყალტუბოს N2 გუნდმა შემდეგი ანგარიშებით დაასრულა: N2 სკოლა - ცხუნკურის სკოლა 14-1, N2 სკოლა - ქვილიშორის სკოლა 9 - 0 , N2 სკოლა - სოფ. წყალტუბოს სკოლა 3-1, ნახევარფინალი, N2 სკოლა - გეგუთის სკოლა 8 - 1, ფინალი N 2 სკოლა - საყულიის სკოლა 5-2, სულ გაიტანეს 39 და გაუშვეს 5 გოლი.

გუნდის მწვრთნელები ალექსანდრე ღონღაძე, რიტა ქურასბედიანი და ლაშა ბზიკაძე არიან.

იხილეთ ფოტოები