შუახევის მუნიციპალიტეტის, ლევან ბერიძის სახელობის ფურტიოს საჯარო სკოლაში საპენსიო ჯილდოზე გასული ღვაწლმოსილი პედაგოგის, ნოდარ ქამადაძის, გაცილება გაიმართა.

სკოლის ინფორმაციით, „კოლეგებმა და მოსწავლეებმა, თავიანთი თბილი სიტყვებით გაუთბეს გული ამაგდარ პედაგოგს“.

დირექციამ ნოდარ ქამადაძეს საჩუქარი და მადლობის დიპლომი გადასცა.

„კიდევ ერთხელ დიდი მადლობა მას არაერთი ღირსეული თაობის აღზრდისათვის. ასევე, მადლობა ყველა მონაწილე მოსწავლეს, დირექტორის მოადგილე თინათინ ბერიძესა და ხელოვნების მასწავლებელ დინა მიქელაძეს ღონისძიების ორგანიზებისათვის“, - წერია სკოლის მიერ გამოქვეყნებულ ინფორმაციაში.

იხილეთ ფოტოები