ნინოწმინდის მუნიციპალიტეტის, ეშტიის N1 საჯარო სკოლის ეკოკლუბის - „დედამიწა ჩვენი სახლია“ წევრებმა კლიმატის ცვლილებისა და მისი ზეგავლენის წინააღმდეგ გადაუდებელი ზომების გატარების მიზნით - „მთის საერთაშორისო დღე“ აღნიშნეს.

„ეშტია“ ​ მაღალმთიანი სოფელია და ბუნებრივ პირობები აქ არ არის ხელსაყრელი. მიუხედავად ამისა, ფრინველთა რამდენიმე სახეობა ზამთარშიც აქ რჩება“, - წერს სკოლა.

სწორედ ფრინველთა ამ სახეობების დახმარების მიზნით მონაწილეებმა რამდენიმე თავშესაფარი - ჩიტის ბუდე-სახლი ააშენეს, რომლებიც სკოლის მიმდებარე ხეებზე დაამაგრეს.

„ცხოველებზე და ფრინველებზე მზრუნველობა ჩვენი მოვალეობაა“, - წერს სკოლა.

იხილეთ ფოტოები