მას შემდეგ, რაც 1925 წლის პირველი ივნისი ბავშვთა უფლებების დაცვის საერთაშორისო დღედ გამოცხადდა, მას მთელი მსოფლიო აღნიშნავს.

ყველა ბავშვის უფლებაა თანაბრად იყოს დაცული მიუხედავად ეროვნების, კანის ფერის, სოციალური მდგომარეობისა და რელიგიისა. საქართველოს მომავალი დამოკიდებულია ჯანმრთელ, განათლებულ და სოციალურად დაცულ ბავშვებზე. 

ახალციხის N5 სკოლის IV^ე კლასი (კლასის ხელმძღვანელი ლელა მაზაშვილი) ასფალტზე ხატვით შეუერთდა აქციას ''ბავშვთა დაცვის საერთაშორისო დღე''.

მუსიკალური ღონისძიებით შეუერთდა აქციას II^ბ კლასიც (კლასის ხელმძღვანელი იზა მარსაგიშვილი), სადაც პატარებმა მსოფლიოს ბავშვებს მიუძღვნეს ლექსები, სიმღერები, ცეკვები და ინსცენირებები.

პატარების ნატვრაა, რომ მსოფლიოში იყოს მშვიდობა და ყველა ბავშვმა ბედნიერად იცხოვროს. ისინი ულოცავენ მსოფლიოს ბავშვებს ამ ლამაზ დღეს და ბედნიერ მომავალს უსურვებენ.

ავტორი: ფიზიკის მასწავლებელი მაია თათეშვილი