წმინდა ნინოს სახელობის ქუთაისის N3 საჯარო სკოლის სამეურვეო საბჭოს გაფართოებულ სხდომას სკოლის დირექტორმა, თეიმურაზ ჭაბუკიანმა, ფინანსური საქმიანობისა და სასწავლო პროცესის მიმდინარეობის შესახებ ანგარიში გააცნო.

აქცენტი რეფორმის მოთხოვნებზე, სწავლასა და სწავლებაში არსებულ პრობლემებზე გაკეთდა და მათი დაძლევის გზები დაისახა.

სამეურვეო საბჭო სკოლის მმართველობაში შემავალი ერთ-ერთი მნიშვნელოვანი რგოლია, რომლის წევრებს მშობლები და პედაგოგები ირჩევენ. მის შემადგენლობაში მასწავლებლები, მშობლები და საშუალო საფეხურის ერთი მოსწავლე შედიან. ასევე, განათლების, მეცნიერების, კულტურისა და სპორტის სამინისტროსა და ადგილობრივ თვითმმართველობას უფლება აქვს სამეურვეო საბჭოში თავისი წარმომადგენელი ჰყავდეს.

საბჭო ირჩევს სკოლის დირექტორს, სკოლის დირექტორის წარდგინებით ამტკიცებს სკოლის შინაგანაწესს, ბიუჯეტს, ირჩევს დისციპლინურ კომიტეტს, ითანხმებს სასკოლო სასწავლო გეგმას და ახორციელებს კანონმდებლობით მინიჭებულ სხვა უფლებამოსილებებს. სამეურვეო საბჭოს არჩევნები სკოლებში სამ წელიწადში ერთხელ ტარდება.

იხილეთ ფოტოები