აჭარის ავტონომიური რესპუბლიკის განათლების, კულტურისა და სპორტის სამინისტროს ორგანიზებით ბათუმის N10 საჯარო სკოლაში სახვითი ხელოვნების კონკურსის მეორე ტური ჩატარდა.

კონკურში V-VI და VII-IX კლასების ასაკობრივი ჯგუფები მონაწილეობდნენ.

კატეგორიების შესაბამისად მოსწავლეებმა ადგილზე შეასრულეს ფერწერული ნამუშევრები. თითოეულ კატეგორიაში გამოვლინდა 3-3 გამარჯვებული.

VII-IX კლასების კატეგორიაში პირველი ადგილი აიღო მინდია აბაშიძის სახელობის ხელვაჩაურის მუნიციპალიტეტის თხილნარის N1 საჯარო სკოლის  მე-9 კლასის მოსწავლემ, სანდრო მიქელაძემ, რომელმაც შეასრულა კომპოზიცია „საღამოს ბაზარი“.

სამინისტრო გამარჯვებულებს დააჯილდოებს დიპლომებითა და ფასიანი საჩუქრებით.