ლანჩხუთის N1 საჯარო სკოლის XI კლასის მოსწავლე თეა იმნაძე ლიტერატურულ კონკურს „ზღვაურის“ ფარგლებში მცირე პროზის ჟანრში ოქროს დიპლომითა და ფასიანი საჩუქრებით დაჯილდოვდა. თეა კონკურსში წელს პირველად მონაწილეობდა. მისი მოთხრობა ჟურნალ - „ზღვაურის“ დეკემბრის ნომერში დაიბეჭდება.

წარმატებული მოსწავლის ქართული ენისა და ლიტერატურის მასწავლებელი თამთა კილაძეა, დამრიგებელი კი - ჯულიეტა ჩხაიძე.

ფრიდონ ხალვაშისა და ზურაბ გორგილაძის  სახელობის ლიტერატურული კონკურსის - „ზღვაურის“ დაჯილდოება ბათუმის ხელოვნების უნივერსიტეტში გაიმართა. კონკურსის დამფუძნებელი და ხელმძღვანელია პოეტი ბელა ქებურია.

კონკურსში 200-ზე მეტი მოსწავლე მონაწილეობდა.

კონკურსის მიზანია შემოქმედებითი ნიჭის გამოვლენა და წახალისება ლიტერატურის სხვადასხვა ჟანრში: პოეზიის, მცირე პროზის, მინიატურის, ზღაპრისა და ფანტასტიკის ჟანრში.

სკოლის წარმომადგენლის ინფორმაციით, დაჯილდოების ცერემონიალს ესწრებოდნენ აჭარის სხვადასხვა ორგანიზაციების წარმომადგენლები, რომლებიც კეთილი სურვილებითა და  დამატებითი სამახსოვრო საჩუქრებით აჯილდოებდნენ კონკურსის ყველა მონაწილეს.

იხილეთ ფოტოები