საჩხერის მუნიციპალიტეტის, კორბოულის N2 საჯარო სკოლაში პროექტი „მოდი ნახე“ ხორციელდება.

პროექტი განათლების, მეცნიერების, კულტურისა და სპორტის სამინისტროს მიერ ინიცირებული არაფორმალური განათლების „სასკოლო აქტივობების ხელშეწყობის“ ქვეპროგრამის ფარგლებში დაფინანსდა.

სკოლის ინფორმაციით, "პროექტის ფარგლებში მოსწავლეები სხვადასხვა ღირსშესანიშნავ ადგილებს მოინახულებენ, მოიძიებენ ინფორმაციას და დაამზადებენ ტურისტულ გზამკვლევს, რომელიც შემდგომ დაეხმარება ჩამოსულ სტუმრებს, მუნიციპალიტეტში გზა ადვილად გაიკვლიონ და მათთვის საინტერესო ადგილები დაათვალიერონ".

ასევე, პროექტის ფარგლებში დაარსდა კლუბი „მოდი ნახე“, რომელიც პროექტის მონაწილე მოსწავლეებით დაკომპლექტდა. სწორედ ისინი დაამზადებენ გზამკვლევს. ასევე, იგეგმება საინტერესო ლექცია-სემინარების ჩატარება.

იხილეთ ფოტოები