შუახევის მუნიციპალიტეტის, ჯაბნიძეების საჯარო სკოლის  X კლასის წარჩინებულ მოსწავლეს, ანუკა აბუსელიძეს, განათლების, კულტურის და სპორტის სამინისტროსგან საჩუქრად კომპიუტერი გადაეცა.

ჯაბნიძეების საჯარო სკოლის პედაგოგები მოსწავლეს წარმატებას ულოცავენ.

განათლების, მეცნიერების, კულტურისა და სპორტის სამინისტრო პროგრამის - „ჩემი პირველი კომპიუტერი“ ფარგლებში წარმატებულ მოსწავლეებს კომპიუტერებს გადასცემს.

პროგრამა „ჩემი პირველი კომპიუტერი“ 2009 წლიდან ხორციელდება. ბენეფიციარებად განისაზღვრნენ საჯარო სკოლის მოსწავლეები, რომლებმაც საბაზო საფეხური (მე-7, მე-8 და მე-9 კლასები) წარჩინებით დაამთავრეს და მათი საფეხურის ნიშანია 10 ქულა. პროგრამის მიზანს მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება წარმოადგენს.