გარდაბნის მუნიციპალიტეტის, ლემშვენიერას საჯარო სკოლის მასწავლებლები ქართულ-დანიურ სემინარში მონაწილეობდნენ.

ქართულ-დანიური სემინარის თემა „წერითი დავალებები და განმსაზღვრელი შეფასება“ იყო და სწავლების პროცესში გამოცდილების გაზიარებას ისახავდა მიზნად.

დანიელმა ტრენერებმა პროექტული სწავლების აქტივობები, შეფასების რუბრიკები, 5-წუთიანი წერითი სავარჯიშოების ფორმები, ბლუმის ტაქსონომია, განმავითარებელი/განმსაზღვრელი შეფასება და მცირე წერითი დავალებები განიხილეს.

ტრენერებმა წერით დავალებებზე მათემატიკისა და ისტორიის გაკვეთილების მაგალითზე იმსჯელეს და ჯგუფებში მუშაობის დროს გამოსაყენებელი წერითი მოდელები პრაქტიკულად განახორციელეს.

საინტერესოდ წარიმართა სხვადასხვა აქტივობების მოდელირება: ,,ვმოძრაობთ და ვმსჯელობთ“, „ორმაგი წრე“, „გონების სავარჯიშოები“, მოსწავლეთა გააქტიურების ფორმები საგაკვეთილო პროცესში და სხვა.

იხილეთ ფოტოები