უფროსი მასწავლებლებისთვის გამოცხადებულ გარე დაკვირვებაზე რეგისტრაცია 4 ათასზე მეტმა პედაგოგმა გაირა - აღნიშნული ინფორმაცია etaloni.ge-ს განათლების მართვის საინფორმაციო სისტემამ მიაწოდა.
„მასწავლებელთა პროფესიული განვითარების ეროვნული ცენტრის დირექტორის 2019 წლის 11 ნოემბრის N254 ბრძანების შესაბამისად, გარე დაკვირვების გავლის მსურველ პირთათვის რეგისტრაციის ვადად 2019 წლის 12-17 ნოემბერი განისაზღვრა. ზოგადი განათლების მართვის საინფორმაციო სისტემაში (eSchool) არსებული ინფორმაციის თანახმად, აღნიშნულ ვადაში რეგისტრაცია გაიარა 4 166 უფროსმა მასწავლებელმა“, - აღნიშნულია საინფორმაციო სისტემის მიერ მოწოდებულ ინფორმაციაში.
მასწავლებლები გარე დაკვირვების შესახებ ინფორმაციას წინასწარ გაიგებენ.
ცნობისთვის, გარე დაკვირვების გავლის მსურველ პირებს რეგისტრაციის გავლა 12 ნოემბრიდან 17 ნოემბრის ჩათვლით შეეძლოთ.
