ილია ვეკუას სახელობის, აფხაზეთის N11 საჯარო სკოლაში აფხაზური ენის კვირეული - „ენა არ გვაწყენს არც ერთი“ მოეწყო.

კვირეულის ფარგლებში მოეწყო კალიგრაფიული ნამუშევრების გამოფენა როგორც აფხაზურ, ისე ქართულ კალიგრაფიაში, მოსწავლეთა თვითმმართველობის ჩართვით ჩატარდა კონფერენცია თემაზე - „ქართულ-აფხაზური ურთიერთობები გუშინ, დღეს, ხვალ...“

კონკურსმა - „ვინ მეტი აფხაზური სიტყვა იცის“ ჟიურის წევრებს თავსატეხი გაუჩინა.

„აფხაზური ენის წრის ხელმძღვანელი, ხატია ზაქარაია, III-VI კლასის მოსწავლეებს  აფხაზეთის განათლებისა და კულტურის სამინისტროს მიერ დაფინანსებული პროექტის ფარგლებში აფხაზური ენისადმი სიყვარულს ორი წელია უნერგავს, რისი შემაჯამებელი აკორდი იყო ეს საოცარი კონკურსი“, - ნათქვამია სკოლის ადმინისტრაციის ინფორმაციაში.

იხილეთ ფოტოები