შეხვედრა სასკოლო სამოქალაქო კლუბ ''ბურის'' წევრების ინიციატივით გაიმართა. ევროკავშირის სადამკვირვებლო მისიის მცხეთის ოფისის წარმომადგენლებმა თავიანთი საქმიანობა გააცნეს მოსწავლეებს და მათი ყურადღება არაერთი საინტერესო თემაზე გაამახვილეს: ''ევროკავშირის სადამკვირვებლო მისია საქართველოში'' ; ''ვმუშაობთ უსაფრთხოებისა და ნდობის აღდგენისთვის''; ''ვინ ვართ ჩვენ? რას ვაკეთებთ? ჩვენ გისმენთ..."

შეხვედრა კითხვა-პასუხის რეჟიმში გაგრძელდა. მოწვეულმა სტუმრებმა აქტიური მოსწავლეები დაასაჩუქრეს.

''ძალიან ნაყოფიერი შეხვედრა იყო. საინტერესო და მნიშვნელოვანი თემები გაგვაცნეს, ჩვენც აქტიურად ჩავერთეთ და ამ აქტიურობისთვის საჩუქრებიც მივიღეთ'' -  აღნიშნეს მოსწავლეებმა.