ოტია იოსელიანის სახელობის წყალტუბოს N1 საჯარო სკოლის დირექციის ინიციატივით, დაწყებითი კლასების მოსწავლეებმა, რომლებმაც იაკობ გოგებაშვილის იუბილესადმი მიძღვნილ მხატვრული კითხვის კონკურსში გაიმარჯვეს და IIგ კლასის (ხელ-ლი მარინა ბენიძე) მოსწავლეებმა წყალტუბოს წმინდა გიორგის სახელობის ეკლესიაში გასვლითი კლასის საათი ჩაატარეს.
სკოლის დირექციამ და მოსწავლეებმა გასვლითი კლასის საათი გიორგობის დღესასწაულს მიუძღვნეს.
„მოსწავლეებმა დამსწრეთ გააცნეს წმიდა გიორგის ბიოგრაფია, წამებანი, წაიკითხეს ხალხური ლექსები, მეუფე თადეოზის (იორამაშვილი), ზვიად გამსახურდიას გამონათქვამები გიორგობის დღესასწაულთან დაკავშირებით. ტაძრის მოძღვარმა მამა მათემ (ფხაკაძე) მოსწავლეებს, მათ მშობლებსა და პედაგოგებს გადაუხადა საჯანმრთელო პარაკლისი. სკოლამ ტაძარს საჩუქრად გადასცა მოსწავლეების ხელნაკეთი, თექისგან დამზადებული ჯვარი“,-ნათქვამია სკოლის განცხადებაში.
იხილეთ ფოტოები
