ლენტეხის N2 საჯარო სკოლაში საწრეო მუშაობა სახელწოდებით - „ვისწავლოთ მათემატიკა“ დაიწყო.

წრის ხელმძღვანელი ნანა შუბითიძეა.

საწრეო მუშაობის მიზნობრივი ჯგუფები VIII, IX, X კლასის მოსწავლეები არიან. საწრეო მუშაობა 1 სემესტრის განმავლობაში, კვირაში ერთხელ, ხუთშაბათ დღეს 1 სთ-ის ხანგრძლივობით ტარდება.

მუშაობის მიზანი განვლილი მასალის გამეორება, ესგ-ის მოთხოვნების მიხედვით, ცოდნის განმტკიცება, მოსწავლეებში პოზიტიური განწყობის შექმნა, მათემატიკის სწავლის მოტივაციის ამაღლება, მოსწავლეთა დამოუკიდებლად მუშაობის უნარის ჩამოყალიბება, ყურადღების, აზროვნებისა და აღქმის უნარების განმტკიცებაა.

სკოლის ინფორმაციით, საწრეო მუშაობაში „მოსწავლეები მთელი მონდომებითა და გულისყურით არიან ჩაბმულები და ცდილობენ მათი შესაძლებლობების მაქსიმუმის გამოყენებას“.

იხილეთ ფოტოები