ჩოხატაურის მუნიციპალიტეტის ქვაბღის საჯარო სკოლის ფიზიკური აღზრდის მასწავლებელმა ნატო თალაკვაძემ სოციალური პროექტი - „იზრუნე გარემოზე“ განახორციელა.

პროექტის ფარგლებში მოსწავლეებმა დამოუკიდებლად მოიძიეს ინფორმაცია გარემოს დაცვასთან დაკავშირებით გასატარებელ ღონისძიებებზე, აგრეთვე კამპანიაზე „დარგე ხე“.

მოძიებული ინფორმაცია მოსწავლეებმა დაამუშავეს, დაახარისხეს და შექმნეს პლაკატები, სადაც მოკლე თეზისების სახით დაიტანეს ინფორმაცია, თუ რატომ უნდა დავიცვათ გარემო და სკოლაში თვალსაჩინო ადგილას გამოაკრეს.

„მოსწავლეები შეურთდნენ კამპანიას „დარგე ხე“ და  სკოლის ეზოში ხეები დარგეს. პროექტის მიზანი იყო მოსწავლეებში ცნობიერების ამაღლება გარემოზე ზრუნვის აუცილებლობაზე და გარემოს მოფრთხილებაზე, რასაც წარმატებით მიაღწია მასწავლებელმა“,-აცხადებს სკოლის წარმომადგენელი.

იხილეთ ფოტოები