წყალტუბოს მუნიციპალიტეტის, სერგეი მესხის სახელობის რიონის საჯარო სკოლის მე-10 კლასის  მოსწავლე, თედო მხეცაძე, წყალტუბოს საგანმანათლებლო რესურსცენტრის შუამდგომლობით, განათლების სამინისტროს მიერ საბაზო საფეხურის წარმატებით დასრულებისთვის კომპიუტერით დაჯილდოვდა.

პროგრამა - „ჩემი პირველი კომპიუტერი” 2009 წლიდან ხორციელდება. პროგრამის ბენეფიციარებად განისაზღვრნენ საჯარო სკოლის მოსწავლეები, რომლებმაც საბაზო საფეხური (მე-7, მე-8 და მე-9 კლასები) წარჩინებით დაამთავრეს და მათი საფეხურის ნიშანია 10 ქულა. პროგრამის მიზანს მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება წარმოადგენს.