მესტიის მუნიციპალიტეტის წვირმის საჯარო სკოლის მოსწავლეებმა და მასწავლებლებმა პროექტის- „შემოდგომის საქართველო“ ფარგლებში ანანურის ციხე-სიმაგრე მოინახულეს.

სკოლის წარმომადგენლის თქმით, ანანურში ექსკურსიამ მათზე დიდი შთაბეჭდილება მოახდინა.

„სასწავლო-შემეცნებითი პროექტის „შემოდგომის საქართველოს“ ფარგლებში სკოლის მოსწავლეებმა და მასწავლებლებმა მოინახულეს ანანურის ციხე-სიმაგრე- ყველაზე კარგად შემონახული ციტადელი საქართველოში. ულამაზესი ხედები ჟინვალის წყალსაცავზე, არაგვის ხეობის ბუნება, ხევსურული კოშკი, ღვთისმშობლის მიძინებისა და ღვთაების ტაძრები,  ეკლესიის ბარელიეფები - ეს ის დეტალებია, რომლებიც პირველ შთაბეჭდილებას ანანურზე პოზიტიურ მოგონებად აქცევს. ყველაზე მთავარი კი წვირმელების მომღიმარი სახეები და ამაღლებული განწყობა იყო“, - ამბობს სკოლის წარმომადგენელი.