თერჯოლის მუნიციპალიტეტის, ზედა საზანოს საჯარო სკოლის მე-4 კლასის მოსწავლეთა და მათი მშობლების მიერ ქუთაისში სასწავლო ექსკურსია მოეწყო.

ექსკურსია საგაკვეთილო თემის - ,,ჩვენ მივდივართ მუზეუმში“ უკეთ ათვისებისა და გააზრების მიზნით დაიგეგმა და მას კლასის დამრიგებელი, თამარ ბრეგვაძე, ხელმძღვანელობდა.

მოსწავლეებმა ისტორიული მუზეუმი და ბაგრატის ტაძარი დაათვალიერეს, ასევე, სოფელ ზედა სიმონეთში დავით კლდიაშვილის სახლ-მუზეუმი მოინახულეს.

„ბავშვებმა გაკვეთილზე მიღებული ცოდნა ჩინებულად გამოიყენეს მუზეუმის დათვალიერების დროს და მდიდარი შთაბეჭდილებებით დაბრუნდნენ შინ“, - ნათქვამია სკოლის მიერ მოწოდებულ ინფორმაციაში.

იხილეთ ფოტოები