აბაშის მუნიციპალიტეტის, გეზათის საჯარო სკოლაში ტოლერანტობის საერთაშორისო დღისადმი მიძღვნილი საგანგებო ღონისძიება გამართეს.

ღონისძიებაში აქტიურად იყვნენ ჩართულები სკოლის მოსწავლეები, დამრიგებლები, ღონისძიების ორგანიზატორი, სამოქალაქო განათლების მასწავლებელი, მაია ხომერიკი და სახვითი და გამოყენებითი ხელოვნების მასწავლებელი, სოფიო ჯიბლაძე.

დამრიგებლებმა თემაზე - „ჩვენ ტოლერანტები ვართ“ სადამრიგებლო საათი ჩაატარეს.

მოსწავლეებმა  ნახატები - „ჩემი თვალით დანახული ტოლერანტობა“ დახატეს.

სამოქალაქო განათლების მასწავლებელ მაია ხომერიკის ხელმძღვანელობით VIII-IX კლასის მოსწავლეებმა თემაზე - „ტოლერანტობა და საქართველოს მეფეები“ კონფერენცია მოაწყვეს.

კონფერენცია ამავე თემაზე შექმნილი კედლის გაზეთის პრეზენტაციით გაიხსნა.

მოსწავლეებმა ქართველ მეფეებსა და მხედართმთავრებზე, რომლებმაც ტოლერანტობით თავი გამოიჩინეს, შთამბეჭდავად ისაუბრეს.

კონფერენციის დასასრულს დისკუსია გაიმართა.

მოსწავლეებმა აღნიშნული საკითხისადმი თავიანთი აზრი გამოთქვეს და აღნიშნეს, რომ ამ მეფეების მაგალითზე აღზრდილები ყოველთვის ტოლერანტები და შემწყნარებლები იქნებიან.

იხილეთ ფოტოები