ხელვაჩაურის მუნიციპალიტეტის მახოს საჯარო სკოლაში 2019-2020 სასწავლო წელი საზეიმოდ დაიწყო.
მოსწავლეებმა ერთმანეთს სკოლის დაწყება მიულოცეს და სასწავლო წლის დაწყებისადმი მიძღვნილ ღონისძიებაზე ლექსები წაიკითხეს, ასევე შეასრულეს ქართული ცეკვებიც.
ღონისძიებას ესწრებოდნენ ღვაწლმოსილი პედაგოგები, რომლებმაც საპენსიო ჯილდოს სანაცვლოდ სკოლა დატოვეს. სკოლამ პედაგოგებს მრავალწლიანი მუშაობისთვის მადლობა გადაუხადა.
მოსწავლეებმა ახალი სასწავლო წელი საზეიმო განწყობით დაიწყეს. სკოლაში მისულთ კლასები მორთული დახვდათ. განსაკუთრებით პირველკლასელებმა გაიხარეს, რომლებმაც საქართველოს განათლების, მეცნიერების, კულტურისა და სპორტის სამინისტროსგან საჩუქრად განახლებული კომპიუტერები და „დედა ენა“ მიიღეს.
პედაგოგებმა მოსწავლეებს სწავლის დაწყება მიულოცეს და წარმატებული სასწავლო წელი უსურვეს.
იხილეთ ფოტოები
