ფრიდონ მახარაძის სახელობის შუახევის მუნიციპალიტეტის მახალაკიძეების საჯარო სკოლის სკოლის II კლასის მოსწავლე მაგდა ბერიძე izrune.ge-ზე მოპოვებული წარმატებისთვის „ოქროს დიპლომით“ დაჯილდოვდა.

სკოლა მაგდა ბერიძეს ულოცავს ამ მიღწევას და წარმატებულ მომავალს უსურვებს.

16 ნოემბერს, ბათუმის შოთა რუსთაველის უნივერსიტეტის სააქტო დარბაზში, izrune.ge-ს პროექტში გამორჩეული ჩართულობისთვისა და განსაკუთრებული შედეგებისთვის მოსწავლეები დაჯილდოვდნენ. ისინი ღონისძიებაზე ოჯახის წევრებთან, თანაკლასელებთან, მეგობრებთან ერთად იყვნენ მოსული.

ღონისძიებას აჭარის ა/რ განათლების, კულტურისა და სპორტის მინისტრის პირველი მოადგილე ჯემალ სურმანიძე, საგანმანათლებლო რესურსცენტრების ხელმძღვანელები, თანამშრომლები, სკოლის დირექტორები, კლასის დამრიგებლები, პედაგოგები, მოსწავლეები, საგანმანათლებლო სფეროს ღირსეული წარმომადგენლები ესწრებოდნენ.

izrune.ge „ეტალონის“ ინოვაციური პროექტია და მოსწავლეებს  ეფექტური განათლების მიღებაში ეხმარება. საიტზე მოსწავლეებს საშუალება აქვთ საკუთარი კლასის შესაბამისად გაიარონ სპეციალური ალგორითმით შექმნილი ინდივიდუალური ტესტები, გაიმეორონ და გაამყარონ განვლილი მასალა.