ანდეზიტის საჯარო სკოლის მოსწავლეებმა საქველმოქმედო პროექტი წამოიწყეს
19-11-2019
ბორჯომის მუნიციპალიტეტის ანდეზიტის საჯარო სკოლაში VIII და IX კლასის მოსწავლეებმა საქველმოქმედო პროექტზე მუშაობა დაიწყეს.
პროექტის ორგანიზატორი კლასის ხელმძღვანელი ნათელა გელაშვილი-დუგაროვია.
საქველმოქმედო პროექტის მთავარი მიზანი ბავშვთა დახმარებაა.
„მოსწავლეებმა კლასის ხელმძღვანელის ორგანიზატორობით დაიწყეს საქველმოქმედო პროექტზე მუშაობა, რომლის მთავარი მიზანი ჯანმრთელობის პრობლემების მქონე ბავშვთა დახმარებაა. პირველ ეტაპზე მოეწყო გამოფენა-გაყიდვის აქცია, სადაც აქტიურად ჩაერთო მოსახლეობა. მადლობას ვუხდით მოსწავლეებს, მშობლებს, თემს წამოწყებულ საქმეში მონაწილეობის მიღებისათვის. მომდევნო აქტივობებიც მეტად საინტერესო იქნება და კვლავ მათი თანადგომა დაგვჭირდება“,-აცხადებს სკოლის წარმომადგენელი.
სკოლების სიახლეები
