ოტია იოსელიანის სახელობის წყალტუბოს N1 საჯარო სკოლის საბუნებისმეტყველო მეცნიერებათა კათედრის კვირეულში დაწყებითების კათედრა აქტიურად ჩაერთო.
IVა კლასში (დამრიგებელი ელისო მეტრეველი) ჩატარდა ინტეგრირებული გაკვეთილი ქართულ ენასა და ბუნებისმეტყველებაში თემაზე - „მოგზაურობა და მოგზაურები“.
მოსწავლეებმა ცნობილ მოგზაურებზე საინტერესო პრეზენტაციები წარადგინეს. მუსიკის ფონზე (პედაგოგი მაკა ჟორჟოლიანი) წარმოსახვით იმოგზაურეს საოცრებათა ქვეყანაში. მოეწყო ნახატების გამოფენა. გაკვეთილის დასრულების შემდეგ „განძის საძიებლად“ გადაინაცვლეს სკოლასთან ახლომდებარე ტყეში.
მოსწავლეებმა სხვადასხვა წინააღმდეგობის გადალახვის შემდეგ იპოვეს განძი. ეს იყო ეგვიპტიდან ჩამოტანილი პაპირუსზე გამოსახული ნეფერტიტის გამოსახულება.
სკოლის წარმომადგენლის თქმით, გაკვეთილი იყო სახალისო და საინტერესო. მოსწავლეებს არასდროს დაავიწყდებათ ეს დღე.
იხილეთ ფოტოები
